भोजपुर । भोजपुरको षडानन्द नगरपालिका–१० का ६९ बर्षीय हस्त बहादुर राईको रुखबाट लडेर मृत्यु भएको छ ।
मंगलवार बिहान पौने १० बजेको समयमा घर नजिकै रहेको काब्राको रुखमा चढेर घाँस झार्ने क्रममा रुखबाट लडेर राई घाईते भएका थिए ।
उनलाई उपचारको लागी मनकामना अस्पताल तुम्लिङटार लैजाने क्रममा बाटोमा नै मृत्यु भएको जिल्ला प्रहरी कार्यालय भोजपुरले जनाएको छ ।
मोटरसाईकलबाट लडेर १ जनाको मृत्यु
यसैबीच खोटाङको हलेसी तुवाचुङ नगरपालिका–९ का ३० बर्षीय बिर बहादुर राईको मोटरसाईकलबाट लडेर मृत्यु भएको छ ।
मंगलवार दिउँसो पौने ४ बजे नगरपालिकाले बितरण गर्ने राहतको लागी फारम भर्न भनी नगरपालिकाको कार्यालयमा गएका राई सोही कार्यालयको प्राङगणमा रोकी राखेको मोटरसाईकल माथी बस्ने क्रममा अचानक मोटरसाईकलबाट लडेर सोही मोटरसाईकलले छातीमा किच्दा निजको घटनास्थलमा नै मृत्यु भएको ईलाका प्रहरी कार्यालय हलेसीले जनाएको छ । घटनास्थलमा प्रहरी टोली खटि गई कानूनी प्रकृया पुरा गरी अन्य थप अनुसन्धान भईरहेको उक्त कार्यालयले जनाएको छ ।
