विराटनगर । विराटनगरमा जारी एसइइ कप अन्तर विद्यालय स्तरीय रनिङ्ग शिल्ड फुटबल प्रतियोगितामा तीन वटा विद्यालय विजयी भएका छन् । सभ्य कला समाजको आयोजनामा विराटनगर ३ डानबक्सको स्कुलको खेलमैदानमा आज भएको खेलमा बिकेभिएम, स्मृति र जेभियर्स स्कूल विजयी भइ दोस्रो चरणमा पुगेका हुन् ।
आज भएको पहिलो खेलमा विराटनगरस्थित बिकेभिएम स्कूलले विराट शिक्षा निकेतन स्कुललाई ५–० गोलले पराजित गर्दै बिकेभिए विजयी भएको हो । सोही दिन भएको दोस्रो खेलमा स्मृति बोर्डिङ स्कूलले ट्राइब्रेकरमा ३–२ गोलले हराउँदै स्मृति दोस्रो चरणमा पुगेका हो । निर्धारित समयसम्म १÷ १ गोलको बराबरी भएपछि ट्राइब्रेकरबाट खेलको छिनोफानो भएको थियो ।
सोही दिन भएको तेस्रो खेलमा जेभियर्स स्कूलले सिद्धार्थ शिशु सदनलाई २–० गोलले पराजित गरि जेभियर्स विजयी बन्यो ।
मंगलबारको पहिलो खेल एवान क्वालिट र सनसाइन स्कूल बिच हुनेछ । सोही दिन हुने दोस्रो खेल महेन्द्र मेमोरियल दुहबी र राधाकृष्ण स्कूल बिच हुनेछ भने तेस्रो खेल डन बस्को स्कूल र गोदावरी स्कुल बिच हुनेछ । चौथो खेल बिकेभिए र जेभियर्स बिच हुनेछ संयोजक बिक्की कार्कीले जानकारी दिए ।
