कानेपोखरी । आउनै लागेको क्रियायाशिल सदस्य रोकिएको भन्दै विरोधसभा सुरु भएपछि मोरङको कानेपोखरी कांग्रेसको अधिवेशन अनिश्चित भएको छ ।
कानेपोखरी गाउँपालिका ५ र ७ नम्बर वडाका सन्तोष सुरुङलगायत १० भन्दा बढीको नाम क्रियाशिलल सदस्य १ नम्बर प्रदेश सांसद सुयर्माराज राईले रोकेको भन्दै विरोध सुरु भएपछि अधिवेशन अनिश्चित भएको हो ।
शुक्रबार सन्तोष गुरुङलगायतका युवाले आइतबारेमा वृहत विरोधसभा गरेका थिए । सभामा कानेपोखरी गाउँ समिति सभापति योगेन्द्र दाहाल, ७ नम्बर वडा सभापति रन्त भुजेललगायतको उपस्थितिमा विरोध भएको थियो । कार्यक्रममा सन्तोष गुरुङले क्रियाशिल सदस्यता विवाद समाधान नभएसम्म कुनै हालतमा गाउँ अधिवेशन हुन नदिने बताए ।
कार्यक्रममा करिव चार सय कांग्रेस नेता, कार्यकर्ताको सहभागिता रहेको थियो । कानेपोखरी ७ का सन्तोष गुरुङ, जीवन परियार, नवीन लिम्बू, ५ नम्बर वडाका दीपक राई, दशराज राई, मनोज राई, रविन, श्याम राईलगायतको क्रियाशिल सदस्यता आउनै लाग्दा कानेपोखरी नै घर भएका प्रदेश १ सांसद तथा प्रदेशसभा नेपाली कांग्रेसका सचेतक सूयर्माराज राईले निवेदन हालेपछि रोकिएको भन्दै युवाहरू आक्रोशित भएका हुन् ।
शुक्रबार आयोजित विरोधसभामा सूयर्माराज राईविरुद्व आक्रोस पोख्दै कुनै हालतमा अधिवेशन हुन नदिने बताएका थिए । गुरुङले गाउँ सभापति योगेन्द्र दाहाल, वडा सभापति रत्न भुजेललगायत कांग्रेस नेता कार्यकर्ताहरुको साथ रहेको भन्दै अधिवेशन हुनै नदिने बताएका छन् ।
विरोध गर्ने समूहले सूयर्माराज राईले चाहेको खण्डमा छुटफुट भएको भनेर केन्द्रमा पहल गर्दा मिल्न सक्ने भनाइ छ ।
यता सांसद राईले भने कानेपोखरी गाउँ सभापति दाहाल र क्षेत्रीय सभापति गणेश खड्काले पार्टीको विधि, विधान विपरीत नाम सिफारिस गरेकोले केन्द्रीय टालीले छानविन गर्दासमेत विधिमा नरहेको पाएपछि रोकिएको बताए । राईले वडा समितिले उजुरी दिएको र स्पष्टीकरण दिन आफू केन्द्रीय समितिसम्म गएको स्वीकार गरे ।
अर्कोपक्षले अधिवेशन रोकिने चेतावनी दिइरहँदा राईले भने केन्द्रले तोकेको अधिवेशन रोक्छु भन्नेहरु कांग्रेस हुन नसक्ने प्रतिक्रिया दिए । राईले कांग्रेस भित्र अर्को पार्टीका नेताहरु कांग्रेस कमजोर बनाउन लागि परेको समेत जानकारी दिए ।
पार्टीको ७ नम्बर वडा सभापति रत्नबहादुर भुजेलले असोज १ गते नै विज्ञप्ति प्रकाशन गरी प्रस्तावित क्रियाशिल सदस्यमा नाम आएपनि अन्तिम नामवलीमा नआएकोले ध्यानाकर्षण भएको भन्दै पार्टीमा लामो समयदेखि खटेकाको नाम समावेश गरेर पुनः प्रकाशन गर्न गाउँ, क्षेत्र, जिल्ला हुँदै केन्द्रीय समितिलाई अनुरोध गरेको छ ।
प्रदेश सांसद राई कोइराला पक्ष (पुरानो संस्थापन) र गाउँ सभापति दाहाल, क्षेत्रीय सभापति गणेश खड्का देउवा पक्ष (नयाँ संस्थापन) भएको बुझिएको छ । दुई पक्षवीच विवादले तोकिएको मितिमा अधिवेशन हुने विषयमा द्वुविधा पैदा भएको हो ।
कांग्रेस अधिवेशन कै विषयलाई लिएर भदौ १५ गते राति करिव ११ बजे कानेपोखरी ६ शिवालय टोलका ३० वर्षीय रुद्र क्षेत्री (अमरा) अमेरिकामा बनेको पेस्तोल, म्यागजिन र गोलीसहित पक्राउ परेका थिए । क्षेत्रीको प्रारम्भीक बयानको आधारमा इलाका प्रहरी कार्यालय पथरीले ४० वर्षीय पूर्णबहादुर बोहोरालाई समेत पक्रेर अनुसन्धानको क्रममा छ । पेस्तोलसहित क्षेत्री पक्राउ परेदेखि नै बोहोराले दिएको भन्न नछाडेको तर बोहाराले अस्वीकार गर्दै आएको बुझिएको छ ।
