इटहरी । इटहरीको एउटा बस्तीका सबैजसोलाई कोरोना संक्रमण देखिएको छ ।
इटहरी ३ को सुनौलो टोलमा बिरामी भएकाहरुमा कोरोना संक्रमण देखिएको इटहरी उपमहानगरपालिकाकी उपमेयर लक्ष्मी गौतमले जानकारी दिनुभयो ।
आफूसहित स्वास्थ्यकर्मीको समूह टोल मै गएर एन्टिजिन परीक्षण गर्दा कोरोना संक्रमण देखिएको उहाँले बताउनुभयो । समुदायमा गएर ९ जनाको एन्टिजिन विधिबाट परीक्षण गर्दा ७ जनाको रिपोर्ट पोजेटिभ आएको हो । गाउँमा कोरोना संक्रमण रहेको पुष्टि भए पछि सुनौलो टोल सिल गरिएको छ ।
त्यहाँ एउटै टोलका २५ जना बिरामी परेका थिए । ७ घर का २५ जनामा ज्वरो, खोकी, पखाला लागेर बिरामी भएका र त्यसमा ९ जनामा परीक्षण गर्दा ७ जनामा संक्रमण देखिएको हो ।
