विराटनगर । मोरङ अटोमोवाइल्स डिलर्स एसोसिएशनको १३ औं साधारण सभा सम्पन्न भएको छ । विराटनगरमा शनिबार अटोमोवाइल्सको साधरण सभा सम्पन्न भएको हो ।
साधरण सभाको अवसर पारेर तीन जनालाई सम्मान गरिएको छ । अटोमोवाइल्सले समाजसेवी तथा उद्योगी दिनबन्धु गोयल, मोरङ अटोमोवाईल्स डिलर्स एसोसिएशनको पूर्वउपाध्यक्ष हरिकृष्ण ढकाल र पूर्व संस्थापक सचिव पुरुषोत्तम निरौलालाई सम्मान गरेको हो ।
सम्मानित तीन जनालाई कार्यक्रमका प्रमुख अतिथि उद्योग वाणिज्य महासंघको केन्द्रीय सदस्य तथा प्रदेश १ को उपाध्यक्ष राजेन्द्र राउत, मोरङ अटोमोवाईल्स डिलर्स एसोसिएशनका अध्यक्ष सुवास आचार्यले कदर पत्र र दोसल्ला ओढाएर सम्मान गर्नुभयो ।
