विराटनगर । नेपाल कम्युनिष्ट पार्टी (नेकपा) को तर्फबाट प्रतिनिधिसभा सदस्य रहनुभएकी इलामकी सांसद सानु शिवाको निधन भएको छ।
तत्कालिन नेकपा एमालेको तर्फबाट समानुपातिक सांसद हुनुभएकी शिवाको बुधबार विहान सिनामंगलस्थित काठमाडौं मेडिकल कलेजमा निधन भएको हो । केही वर्षअघि मृगौला प्रत्यारोपण गरिएपछि स्वास्थ्य राम्रै रहेकोमा केही दिनअघि एक्कासी मुटुमा समस्या आएपछि उहाँलाई अस्पताल भर्ना गरिएको थिउो ।
अकस्मात देखिएको स्वास्थ्य समस्यापछि अस्पताल भर्ना गरिएपनि उहाँको स्वास्थ्य अवस्था दिन प्रतिदिन नाजुक हुँदै गएर बुधबार विहान निधन भएको पार्टीले जनाएको छ ।
जनवादी गायिकासमेत रहनुभएकी शिवा लामो समयदेखी मृगौला, मुटुको समस्याबाट पीडित हुनुहून्थ्यो । उहाँको २०६३ सालमा भारतको तामिलनाडुमा मृगौला प्रत्यारोपण गरिएको थियो।
मृगौला प्रत्यारोपणको दुई वर्षपछि उहाँको पाठेघरमा क्यान्सर देखियो। २०७१ सालमा त्यसमा फेरि हृदयघात भयो। त्यसपछि दुवै आँखामा मोतीयाबिन्दु पनि भएको थियो ।
