विराटचोक। नेपाल विद्युत प्राधिकरणमा पुनः अर्को कार्यकाल पनि कुलमान घिसिङलाई नै नेतृत्व दिनुपर्ने माग गर्दै मोरङको बेलबारीमा प्रदर्शन भएको छ ।
उज्यालो नेपाल समर्थन बेलबारी नगर समाजले घिसिङलाई पुनः प्राधिकरणमा नियुक्ति गर्नुपर्ने माग गर्दै प्रदर्शन गरेको हो ।
घिसिङको कार्यकाल भदौ २९ गते सकिने भएकोले उनलाई अर्को कार्यकाल पनि प्राधिकरणमै काम गर्न दिनुपर्ने माग भएको हो । पुरानो बेलबारीको दुर्गा मन्दिरदेखि सुरु भएको स्थानीय सहभागी रहेको र्याली मालपोत चोक हुुँदै बजारसम्म पुगेको थियो ।
भौतिक दूरी कायम गर्दै युवाहरू ¥यालीमा सहभागी बनेका थिए । नेपाललाई लोडसेडिङमुक्त बनाएको र विद्युत प्राधिकरणलाई नाफामा लगेको भन्दै घिसिङको पक्षमा देशव्यापी समर्थन रहेको छ ।
