विराटनगर । विराटनगर महानगरपालिका भित्र सोमबार २३ जना नयाँ संक्रमित थपिएका मध्ये ११ जना विराटनगर १२ नम्बर वडाका रहेका छन् ।
१२ मा ११ जना संक्रमित मध्ये एकै घरमा चार जना रहेका छन् । केही दिन अगाडि कोशीको ल्याबमा गराएको परीक्षण रिपोर्ट अनुसार एकै घरको चार जनामा बुधबार संक्रमण देखिएको वडाअध्यक्ष हिरालाल कामतले जानकारी दिनुभयो ।
यस्तै विराटनगर १४ मा ४ जना, २ वडामा २ जना, ७ का १ जना र बाँकी वडा नखुलेको संक्रमित रहेको विराटनगर महानगरपालिकाको स्वास्थ्य महाशाखाको स्वास्थ्य निरीक्षक राजेन्द्र कुइकेलले जानकारी दिनुभयो ।
सोमबार विराटनगरमा १० महिला र १३ पुरुष संक्रमित थपिएसँगै हालसम्म ८ सय ३५ जना कोरोना संक्रमित पुगेको विराटनगर महानगरपालिकाले जनाएको छ । तिमध्ये १ सय ९७ जना निको भएका छन् भने हालसम्म विराटनगरमा कोरोना संक्रमित १ जना महिलासहित १० जनाको मृत्यु भइसकेको छ ।
