विराटनगर । मोरङको तीन स्थानीय तहका थप ९ जनामा कोरोना संक्रमण पुष्टि भएको छ ।
मोरङको रतुवामाई नगरपालिका, लेटाङ नगरपालिका र धनपालथान गाउँपालिकाका एक बालक र एक महिलासहित ९ जनामा कोरोना संक्रमण देखिएको छ ।
मोरङको लेटाङका दुई जना, रतुवामाई नगरपालिकाका दुई जना र धनपालथान गाउँपालिकाका पाँच जनामा संक्रमण पुष्टि भएको हो । सबै संक्रमितहरु केही दिन अघि भारतबाट आएर क्वारेन्टाइनमा बस्दै आएका व्यक्तिहरु हुन् ।
सोमबार ९ जना थपिएसँगै मोरङमा कोरोना संक्रमितको संख्या २८ जना पुगेको छ ।
