विराटनगर। २४ घन्टायता थप भएका १ सय ८९ सहित कोरोना संक्रमितको संख्या नेपालमा अब १ हजार ४ सय १ पुगेको छ ।
स्वास्थ्य तथा जनसंख्या मन्त्रालयले पछिल्लो पटक सार्वजनिक गरेको विवरण अनुसार आज थप भएका संक्रमित मध्ये १०९ जना कपिलवस्तुका छन् ।
राष्ट्रिय जनस्वास्थ्य प्रयोगशाला टेकुमा गरिएको परीक्षणमा ७७ जनामा कोरोना संक्रमण पुष्टि भएको हो । उनीहरु १६ देखि ६० वर्षका उमेर समुहका छन् ।
यस्तै सर्लाहीका १७ जनामा कोरोना संक्रमण दृृेखिएको छ भने सिराहामा ११ र सप्तरीमा ९ जनाको रिपोर्ट पोजेटिभ आएको मन्त्रालयले जनाएको छ ।
यस्तै कपिलवस्तु, यहोधराका २९ जना, कपिलवस्तुकै विजयनगरका ३ जना, धनुषाका ७ जना, रौतहटका ६ र महात्तरीका ४ जनामा पनि कोरोना संक्रमण पुष्टि भएको छ ।
यसैगरी पर्सा पसौनीमा २ जना र बारा हर्दियाका १ जनामा पनि कोरोना पुष्टि भएको छ । यता दैलेखमा १४ कोरोना संक्रमित थपिएका छन् भने दाङमा ५ जना, संखुवासभामा २ जना र झापामा २ जना कोरोना संक्रमित थप भएका छन् ।
