काठमाण्डौ । नेपाली कांग्रेसका नेता प्रकाशमान सिंहले नेपाली भूमिको रक्षा गर्न राष्ट्रिय एकतालाई बलियो बनाउनु पर्ने बताउनुभएको छ ।
नेपाल प्रेस युनियन २९ औं स्थापना दिवशको अवसरमा शुभकामना सन्देश व्यक्त गर्दै उहाँले सबैखाले जटिलतालाई नेपालीहरुको एकता र सहकार्यबाट मात्र परास्त गर्न सकिने बताउनुभएको छ ।
जारी सन्देशमा कोरोना भाइरस संक्रमणको जोखिममा सुरक्षित भएर पेशागत धर्म निर्वाह गर्न र सरकारलाई निरन्तर खबरदारी गरिरहन प्रेस युनियनलाई आग्रह गर्नुभएको छ ।
कोरोनाको विपत्तिमा जनअपेक्षा अनुरुपका कार्यक्रम ल्याउन सरकारको ध्यानाकर्षण गराउँदै नेता सिंहले स्वदेश तथा विदेशमा रहेका प्रत्येक नागरिकलाई सरकार अभिभावक हो भन्ने वोध हुने गरी काम गर्नुपर्नेमा जोड दिनुभएको छ ।
