विराटनगर । हास्य कलाकार महजोडीमध्येका एक हरिबंश आचार्यको नाकभित्रको सानो नसा फुटेको पुष्टि भएको छ ।
आचार्यले सोमबार सामाजिक सञ्जाल फेसबुकमा एक स्टाटस लेख्दै आफ्नो हालको अवस्था सामान्य रहेको बताएका छन् । ‘शनिबार हिमगिरी प्रालि उधोगको आतिथ्यमा मदनदाइ र म विटनगर आएका थियौं,’ उनले लेखेका छन्, ‘अचानक नाकबाट रगत बगेर होटल नजिकै भएको सप्तकोसी अस्पताल पुगें र त्यहाँबाट विराट नर्सिङ होम इएनटि डिपार्टमेन्टमा उपचार हुँदैछ र म सामान्य अवस्थामा छु ।अस्पताल पुग्दा मेरो ब्लड प्रेसर सामान्यै थियो।’
उनले धेरैलाई उच्च रक्तचापको कारण होकी भन्नेले कुराले चिन्तित तुल्याएको पाइए पनि आफ्नो नाकभित्रको सानो नसा फुटेको र त्यसलाई टाल्ने काम भइसकेको उनले जनाएका छन् । ‘अहिले सामान्य अवस्थामा स्वास्थलाभ गरिरहेको छु । उपचारको क्रममा विराट नर्सिङ होम परिवार, डा. राजिव शाहको चिकित्क टिमलाई धन्यवाद दिन चाहन्छु,’ उनले भनेका छन् । उनले आफ्नो स्वास्थ्य अवस्थालाई लिएर चासो, सहयोग र सद्भाव राख्ने सबैप्रति आभार प्रकट गरेका छन् ।
