विराटनगर । विराटनगरमा जारी प्रथम अन्तर वडा स्तरीय फुटसल प्रतियोगिताको उपाधि वडा नम्बर ४ ले जितेको छ ।
प्रतियोगिताअन्तर्गत मङ्गलवार सम्पन्न फाइनल खेलमा वडा नम्बर १३ लाई ४ नम्बर वडाले २–० गोल अन्तरमा पराजित गर्दै उपाधि जितेको हो । ४ नम्बरले उपाधि जित्दै नगद ४० हजार रुपैयाँ र ट्रली प्राप्त ग¥यो । उपविजेता भएको १३ नम्बर वडाले नगद २० हजार रुपैयाँमा चित्त बुझाउनु पर्यो ।
प्रतियोगितामा विराटनगर महानगरपालिकाको वडा नम्बर १, २, ३, ४, ५, ६, ८, ९, १०, १२, १३, १६ र १९ को सहभागिता रहेको थियो । ४ नम्बर वडाको २ वटा टोली रहेको थियो । विराटनगर सिटी फुटबल क्लबले विराटनगर महानगरपालिका वडा नम्बर ९ को सहकार्यमा आयोजना गरेको प्रतियोगिताको प्रमुख अतिथि वडा नम्बर ९ का वडाध्यक्ष विश्वनाथ भगत, क्लबका कार्यकारी निर्देशक शुभाषिस कोइरालालगायतले पुरस्कार प्रदान गरे ।
प्रतियोगिताको अनुशासित टोली वडा नम्बर १ भयो । त्यसैगरी, व्यक्तिगत विद्यातर्फ सर्वाधिक गोलकर्ता वडा नम्बर १३ का कैलाश बस्नेत, उत्कृष्ट गोलरक्षक वडा नम्बर ४ का विशाल धामी र सर्वोत्कृष्ट खेलाडी वडा नम्बर ४ का निश्चल अधिकारी भए । उनीहरूले नगद २ हजार ५ सय रुपैयाँ पुरस्कार पाए ।
