विराटनगर । बहुलराष्ट्रिय राज्य स्थापनार्थ पूर्वउपप्रधानमन्त्री राजेन्द्र महतोले सञ्चालन गरेको राष्ट्रिय मुक्ति क्रान्तिले पूर्वमा विविध कार्यक्रम सार्वजनिक गरेको छ ।
यो एकमहिने राष्ट्रव्यापी कार्यक्रम भित्रको हो । राष्ट्रिय मुक्ति क्रान्तिको यो दोस्रो चरणको कार्यक्रम हो । राष्ट्रिय मुक्ति क्रान्तिको गभर्निङ्ग काउन्सिलको जेठ ७ गेतदेखि २६ गतेसम्म विविध कार्यक्रम सार्वजनिक गरेको छ ।
कुन जिल्लामा कस्तो कार्यक्रम ?
जेठ ७ गते धरानमा प्रशिक्षण कार्यक्रम सम्पन्न गरेको छ । सन्जु खापुङ र श्याम शेरिङको संयोजकत्वमा योङ इन्डिजिनिस्ट लिगको सोमका प्रशिक्षण कार्यक्रम सम्पन्न भएको हो । ८ गते पाँचथर जिल्लाको सदमुकाम फिदिम बजारमा त्यस क्षेत्रको इन्जार्जसँग भेटघाट कार्यक्रम रहेको छ । यस्तै पाँचथरको याङबरकमा ९ गते प्रशिक्षण कार्यक्रम रहको छ।
१० र ११ गते पाँचथरको फिदिममा वैठक, छलफलको कार्यक्रम रहेको छ । १२ गते फिदिम बजारमा जनप्रदर्शनको कार्यक्रम तय भएको छ । १३ गते मोरङको रंगेलीमा अन्तरक्रियात्मक कार्यक्रम रहको छ । १५ गते सुनसरीको इनरुवामा पनि अन्तरक्रिया कार्यक्रम तय भएको छ । यस्तै १५ गते उदयपुरको गाइघाटमा अन्तरक्रियात्मक कार्यक्रम रहको छ । भने, खोटाङ जिल्लाको दिक्तेलमा प्रारम्भिक बैठक रहेको छ । भोजपुर जिल्लाको साल्पा, सिलिचुङ र ट्याम्केमा जनप्रदर्शन साथै संवाद कार्यक्रमको तय भएको छ ।
धरानमा जेठ १८ र १९ गते अन्तरक्रिया, छलफल लगायतको कार्यक्रम रहेको छ । भने २० देखि २५ सम्म सम्पूर्ण जिल्लाका ब्यूरोसँग छलफल कार्यक्रम तय भएको छ भने, २६ गते विराटनगरमा जनप्रदर्शनको कार्यक्रम रहेको छ।
