विराटनगर । ओमानमा जारी एसीसी प्रिमियर कप क्रिकेट प्रतियोगिताअन्तर्गत नेपालले आज हङकङसँग प्रतिस्पर्धा गर्दै छ । दुई देशबीचको खेल नेपाली समय अनुसार बिहान पौने १२ बजेबाट शुरू हुनेछ ।
समूह ए मा नेपालले खेलेको अघिल्ला दुवै खेलमा जीत हात पारेको थियो । नेपालले पहिलो खेलमा मलेसियालाई ५ विकेटले पराजित गरेको थियो भने दोस्रो खेलमा कतारमाथि ३२ रनको जीत हात पारेको थियो ।
हङकङले पहिलो खेलमा कतारलाई २६ रनले हराएको थियो भने दोस्रो खेलमा साउदी अरेबियासँग पराजित भएको थियो ।
आज समूह ए मै रहेका मलेसिया र कतार पनि खेल्दैछन् । समूह बी अन्तर्गत ओमान् र यूएई तथा बहराइन र कुवेत खेल्दैछन् । दुवै खेल बेलुका पौने ५ बजे शुरू हुनेछ ।
नेपाल एसीसी प्रिमियर कपको सशक्त दाबेदार हो । नेपाल साविक विजेता टोली पनि हो ।
नेपालले वैशाख ५ गते साउदी अरेबियासँग प्रतिस्पर्धा गर्ने छ।
