काठमाडौं । नेपाली राष्ट्रिय फुटबल टोलीकी स्टार सावित्रा भण्डारीले युरोपेली क्लबबाट खेल्ने भएकी छिन् ।
आगामी सिजनमा लागि उनले इजरायलको शीर्ष डिभिजन क्लब हापोएल रानानासँग सम्झौता गरेकी छिन ।
सावित्राले आफ्नो लामो समयदेखिको युरोप खेल्ने सपना पूरा हुन लागेको बताएकी छिन ।
भारतीय शीर्ष डिभिजन लिगमा तहल्का मच्चाएपछि उनको चर्चा थप चुलिएको थियो ।
सावित्राले १० खेलमा २९ गोल गर्दै गोकुलम करालालाई लगातार उपाधि दिलाएकी थिइन् ।
नेपालको घरेलु फुटबलमा एकछत्र राज गरेकी उनले पहिलो पटक एसियाबाहिर खेल्न लागेकी हुन् ।
