विराटनगर । विराटनगर– ५ स्थित एभरेष्ट स्कुलले भोली (शुक्रबार) देखि आयोजना गर्न लागेको तीन दिवसीय एभरेष्ट कार्निभलको अवसरमा आज पत्रकारहरुसँग मैत्रीपूर्ण खेल सम्पन्न भएको छ ।
एभरेष्ट कलेजको फुटबल मैदानमा सम्पन्न भएको खेलमा २ का विरुद्ध ५ गोल गर्दै एभरेष्टले खेल जितेको छ । विद्यालयका अध्यक्ष विनोद ढकाल र प्रिन्सिपल टिकाराम पुरीले रेफ्रिलाई बल हस्तान्तरण गर्दै खेलको उद्घाटन गरेका थिए ।
उक्त अवसरमा प्रिन्सिपल पुरीले भोली देखि हुन लागेको कार्निभलको अवलोकनका लागि विराटनगरका शिक्षण संस्थाका विद्यार्थी, शिक्षक, अभिभावक, बुद्धिजीवि तथा शिक्षाप्रेमी महानुभावहरुलाई कार्निभल अवलोकनका लागि आह्वान समेत गरेका छन । एभरेष्ट कलेज परिसरमा हुने कार्निभलको उद्घाटन विहान ११ः३० बजे सम्म हुने छ ।
