विराटनगर । मोरङको सुनवर्षी नगरपालिका – ८ हर्चनगढीबाट पेस्तोलसहित तीन जना भारतीय नगरिकलाई प्रहरीले पक्राउ गरेको छ ।
प्रहरी चौकी सिक्टी बाट खटिएको टोलीले बिहीबार राती कटुवा पेस्तोलसहित तीन जना भारतीय नागरिकलाई पक्राउ गरेको इप्रका रंगेलीका इनिस्पेक्टर लेखनाथ दाहालले जानकारी दिए ।
प्रहरीले भारतको अररिया धर्मगञ्ज पञ्यात पलासी थाना डकैता वस्ने २१ वर्षिय अजय कुमार मण्डल सोही ठाउँका १८ वर्षिय आन्नद कुमार मण्डल र २१ वर्षिय राकेश कुमार साहलाई पक्राउ गरेको हो । सुनवर्षी नपा ८ स्थित महादेव मण्डलको घरमा रहेको चियानास्ता पसलबाट भारतीय नागरिक अजयकुमार मण्डलको साथबाट पेस्तोल बरामद भएको इनिस्पेक्टर दाहालले बताए ।
‘मदिराको नशामा रहेको उनीहरूलाई प्रहरीले पेस्तोलसहित पक्राउ गरेको हो,’ इप्रका रंगेलीका इन्सिपेक्ट दाहालले भने, ‘बरामद भएको पेस्तोल र मण्डलको साथबाट १ राउण्ड गोली पनि बरामद भएको छ ।’ भारतीय नागरिक पेस्तोल लिएर किन र कुन प्रयोजनको लागि आएको थिए अहिले खुलिनसकेको दाहालले बताए । ‘अहिले हामी अनुसन्धानको क्रममा छौं,’ उनले भने, ‘शुक्रबार अदालतमा म्यात थप भएपछि थप अनुसन्धान सुरू हुन्छ ।’ बाँकी कुरा थप अनुसन्धानपछि खुल्ने प्रहरीले जनाएको छ ।
पक्राउ परेका भारतीय नागरिकलाई प्रहरीले हातहतियार खरखजना अन्तर्गत जिल्ला अदालत मोरङमा म्यात थप गरि अनुसन्धान गर्नेछ ।प्रहरीले उनीहरुले प्रयोग गरेको भारतीय नम्बर प्लेटको मोटसाइकल पनि बरामद गरेका छ । १५० सि.सि को निलो रातो रङको पल्सर मोटरसाइकल नियन्त्रणमा लिएको प्रहरीले जनाएको छ ।
