विराटनगर । इलाम–२ उपनिर्वाचनको जारी मतगणनामा ६ वडाको गणना सक्दा नेकपा एमालेका उम्मेदवार सुहाङ नेम्बाङले अग्रता बढाउँदै लगेका छन् ।
फाकफोकथुम गाउँपालिकाको १, २, ३, ४, ५ र ६ नम्बर वडाको मतगणना सकिँदा एमालेका नेम्वाङले ३ हजार ७८३ मत पाएका छन् भने काँग्रेस उम्मेदवार डम्बर खड्काको २ हजार ७८२ मत पाएका छन् । डम्बरलाई सुहाङले १००१ मतले पछाडि पारेका छन् ।
फाकफोकथुमको १, २ र ३ को गणना सक्दा डम्बर २८ मतले अगाडि थिए । ४ नम्बर वडाको गणना गरेपछि सुहाङ अगाडि लागेका हुन् ।
अहिलेसम्म पहिचानवादी उम्मेदवार डकेन्द्रसिंह लिम्बूले ७८४ भोट ल्याउँदा रास्वपाका मिलन लिम्बू ५७० भोटका साथ चौथो स्थानमा छन् ।
