विराटनगर । इलाम–२ उपनिर्वाचनको जारी मतगणनामा ३ वडाको गणना सक्दा नेकपा एमालेका उम्मेदवार सुहाङ नेम्बाङले मतान्तर घटाएका छन् ।
फाकफोकथुम १, २ र ३ नम्बर वडाको ४०६१ मतगणना सकिँदा काँग्रेसका डम्बर खड्का १ हजार ६५८ मतसहित अग्रस्थानमा छन् । दोस्रो स्थानमा रहेका एमालेका सुहाङ नेम्वाङले १ हजार ६३० मत पाएका छन् । दुबैको मतान्तर २८ छ ।
फाकफोकथुमको १, २ र ३ वडाको गणना सकिएको छ । यसअघि १ र २ वडामा काँग्रेस उम्मेदवार ८२ मतले अगाडि थिए ।
पहिचानवादी उम्मेदवार डकेन्द्रसिंह लिम्बूले ४३० भोट ल्याउँदा रास्वपाका मिलन लिम्बू ३०८ भोटका साथ चौथो स्थानमा छन् ।
