काठमाडौं । बेलायतमा कोभिड(१९ का दैनिक संक्रमितको संख्या पहिलो पटक एक लाख नाघेको छ ।
बुधबार बेलायतमा कोरोना भाइरसका एक लाख ६ हजार १२२ जना नयाँ संक्रमित थपिएका छन् ।
बेलायतमा अति संक्रामक ओमिक्रोन भेरियन्ट व्यापक बनेपछि दैनिक संक्रमितको संख्या निरन्तर बढ्न थालेको हो ।
तर अस्पताल भर्ना हुने र ज्यान गुमाउनेको संख्या भने स्थिर देखिन्छ । त्यहाँ बुधबार १४० जना संक्रमितको मृत्यु भएको छ ।
यसैबीच, स्कटल्याण्ड र दक्षिण अफ्रिकामा गरिएका प्रारम्भिक अध्ययनले कोभिड(१९ का अन्य भेरियन्टभन्दा ओमिक्रोनका लक्षण सामान्य रहेको देखाउँछन् ।
