विराटनगर । नेपालमा नेपालमा कोरोनाबाट मृत्यु हुनेको संख्या ५०० नाघेको छ ।
पछिल्लो २४ घण्टामा देशभर थप ११ जनाको मृत्यु भएसँगै कोरोनाबाट मृत्यु हुनेको संख्या ५०९ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा नेपालमा देशभर १९११ जना कोरोना संक्रमित थपिएका छन् । योसँगै देशभर सक्रिय संक्रमितको संख्या २१ हजार ८३० पुगेको छ । स्वास्थ्य मन्त्रालयले २५ हजार सक्रिय संक्रमित नाघे फेरि लकडाउन गर्नुपर्ने सिफारिस गरेको छ ।
पछिल्लो २४ घण्टामा देशभर ९६१ जना निको भएका छन् । योसँगै हालसम्म निको हुनेको कुल संख्या ५७ हजार ३८९ पुगेको छ । देशशभर आईसीयूमा २२० र भेन्टिलेटरमा २५ जना संक्रमितको उपचार भइरहेको छ ।
