विराटनगर । झी पुचः विराटनगरले प्रत्येक वर्ष निकाल्दै आएको सामुहिक गाईजात्रा तथा अन्य विभिन्न साँस्कृतिक कार्यक्रम यस वर्ष नगर्ने भएको छ ।
विश्वभरी महामारीको रुपमा फैलिएको कोभिड १९ संक्रमणबाट बच्न यस वर्षको सामुहिक गाईजात्रा, लाखे नाच र अन्य कार्यक्रम पनि नगर्ने निर्णाय गरेको हो ।
झी पुचः विराटनगरले हरेक साल भदौ कृष्ण प्रतिपदाका दिन असामयिक निधन भएको परिवारजनहरुको घरबाट झाँकीसहितको विराटनगरमा बृहत गाईजात्रा निकाल्दै आएको थियो । कोरोनाको कारण यस वर्ष टोल–टोलमा पुगेर प्रर्दशन गरिने लाखे नाच पनि यस वर्ष नगर्ने निर्णाय गरेको झी पुचः विराटनगरका वरिष्ठ उपाध्यक्ष हरि बहादुर श्रेष्ठले जानकारी दिनुभयो ।
साउन १९ गते श्रवण शुल्क पूर्णिमाको दिन ‘लाखे ख्वापा पूजा’ झी पुचः विराटनगरको प्राङ्गणमा गरिनेछ ।
