धनकुटा । धनकुटा नगरपालिकाको गाडी आज पहिरोले पुरेको छ । गर्जुवा खोलामा पहिरो खसेपछि बगेको लेदो पानीले गाडीको आधा भाग पुरेको हो ।
पानी पर्ने वित्तिकै पहिरो जाने गर्जुवा खोलाले धरानबाट धनकुटा तर्फ जाँदै गरेको धनकुटा नगरपालिकाको को १ झ ५८४ नम्बरको गाडी पुरेको थियो ।
सडक डिभिजन कार्यालय बाटोको अवरोध हटाउन परिचालन गरेको डोजरको सहयोगबाट गाडी निकालिएको धनकुटा नगरपालिकाका कार्यक्रम संयोजक सिताराम गौतमले बताउनु भयो । गौतम सोही गाडीमा यात्रा गरिहनुभएको थियो । पहिरोमा परेपनि सबै सकुशल रहेको बताइएको छ ।
फोटो : इश्वर थापा/धनकुटा
