एजेन्सी । विश्वभर कोरोनाभाइरस संक्रमितको संख्या ४० लाख नाघेको जोन्स हप्किन्स विश्वविद्यलायको तथ्यांकले देखाएको छ । त्यस्तै, कोभिड–१९ मा ज्यान गुमाउनको संख्या २ लाख ७७ हजार नाघेको छ ।
महामारीबाट अमेरिका सबैभन्दा बढी प्रभावित देश रहेको छ । विश्वका कूल संक्रमित र ज्यान गुमाएका मध्ये एक तिहाई भन्दा बढी अमेरिकामा रहेका छन् ।
विज्ञहरुले संक्रमितको संख्या अझ बढी हुन सक्ने चेतावनी दिएका छन् किनभने कतिपय देशहरुमा परीक्षणको दायरा निकै कम कम रहेको छ ।
स्पेनलगातय केही देशहरुमा दैनिक मृत्यु दर कम हुँदै गइरहेको छ तर लकडाउन खुकुलो बनाउँदा महामारीको दोस्रो लहर आउन सक्ने खतरा अझै बाँकी रहेको छ ।
कुनै बेला युरोपको हटस्पट बनेको इटालीले यो हप्तादेखि लकडाउनलाई केही खुकुलो बनाएको छ । उता, फ्रान्समा पनि पछिल्लो २४ घण्टामा एक महिना यताकै सबैभन्दा कम मृत्यु भएको छ । यस्तै कुल संक्रमितमध्ये हालसम्म १३ लाख ७० हजार ३ सय ७५ जना निको भएका छन्।
यसको साथै विभिन्न देशका सरकारहरु महामारीका कारण आउने सम्भावित आर्थिक मन्दीसँग जुझ्ने तयारीमा पनि लागेका छन् ।
– बीबीसी
