विराटनगर । राष्ट्रिय सभा निर्वाचनमा नेकपा एमालेकी उम्मेदवार रुकमिणी कोइराला निर्वाचित भएकी छन् ।
राष्ट्रिय प्रजातन्त्र पार्टीसँग चुनावी तालमेल गरेको एमालेले गठबन्धनका उम्मेदवार चम्पा कार्कीलाई पराजित गर्दै जित निकालेको हो ।
प्राप्त मतपरिणाम अनुसार कोइरालाले ५०८६ मत प्राप्त गर्दा कार्कीले ४९९२ मत मात्र प्राप्त गरेकी थिइन् । कार्कीलाई गठबन्धनका तीन जना प्रदेश सभा सदस्यले मत क्रस गरेको गणनाका क्रममा देखिएको थियो ।
