ओखलढुंगा । कोरोना भाइरसको जोखिमबाट सुरक्षित रहन सरकारले घोषणा गरेको लकडाउनको समयमा ओखलढुंगामा भएको दुर्घटनामा एक जनाको मृत्यु भएको छ ।
मंगलबार विहान ओखलढुंगाको मानेभञ्ज्याङ ५ की २५ बर्षीया पबित्रा राईको मोटरसाईकल दुर्घटनामा मृत्यु भएको छ ।
बिहान ११ बजे मानेभञ्ज्याङ जेरुङ गाउँ स्थितमा हर्कपुरबाट मानेभञ्ज्याङतर्फ आउँदै गरेको ना ६ त ७३६० नम्बरको ट्र्याक्टर र बिपरित दिशाबाट आउँदै गरेको बा ६३ प ९३५५ नम्बरको मोटरसाईकल आपसमा ठक्कर खाई दुर्घटना भएको थियो । दुर्घटनामा मोटरसाईकलमा सवार राईको मृत्यु भएको जिल्ला प्रहरी कार्यालय ओखलढुंगाले जनाएको छ ।
मोटरसाईकल चालक २४ वर्षीय सुजन राई र सोही मोटरसाईकलमा सवार १९ बर्षीय सनम राई घाईते भएका छन् । उनीहरुको मिसन अस्पतालमा उपचार भईरहेको छ । एउटै मोटरसाईकलमा तीन जना सवार रहेकोले दुर्घटना भएको प्रहरीको अनुमान छ ।
