विराटनगर । झापाको कचनकबल गाउँपालिका–१ घेराबारीमा गएराति भएको आगलागिमा परेर एक जनाको मृत्यु भएको छ ।
मध्यराति भएको आगलागीमा परी अन्दाजी ६० वर्षे गोबद्र्धन राजवंशीको मृत्यु भएको इलाका प्रहरी कार्यालय घेराबारीले जनाएको छ । घरमा आगो लागेपछि परिवारका अरु सदस्य भने भागेर बाँच्न सफल भएका थिए ।
दमकल, स्थानीयवासी र प्रहरी टोलीको सहयोगमा करिब २ बजेतिर आगो नियन्त्रणमा लिइएको थियो ।
आगलागीबाट राजवंशीका ३ वटा घर पूर्ण रुपमा जल्नुका साथै पशु चौपायासमेत जलेर मरेको प्रहरीले जनाएको छ । आगलागीबाट भएको क्षतिको एकिन विवरण र आगलागीको कारण नखुलेको जिल्ला प्रहरी कार्यालय झापाका प्रहरी नायव उपरीक्षक राकेश थापाले जानकारी दिए ।
