विराटनगर । इलाम–२ उपनिर्वाचनको जारी मतगणनामा पाँच वडाको गणना सक्दा नेकपा एमालेका उम्मेदवार सुहाङ नेम्बाङले अग्रता कायम राखेका छन् ।
फाकफोकथुम १, २, ३, ४ र ५ नम्बर वडाको मतगणना सकिँदा एमालेका सुहाङ नेम्वाङले ३ हजार २४९ पाएका छन् भने काँग्रेस उम्मेदवार डम्बर खड्काको २ हजार ४६९ मत पाएका छन् । डम्बरलाई सुहाङले ७७० मतले पछाडि पारेका छन् ।
फाकफोकथुमको १, २ र ३ को गणना सक्दा डम्बर २८ मतले अगाडि थिए । ४ नम्बर वडाको गणना गरेपछि सुहाङ अगाडि लागेका हुन् । ५ को गणना गर्दा उनले मतान्तर फराकिलो बनाएका छन् ।
अहिलेसम्म पहिचानवादी उम्मेदवार डकेन्द्रसिंह लिम्बूले ७०३ भोट ल्याउँदा रास्वपाका मिलन लिम्बू ४४३ भोटका साथ चौथो स्थानमा छन् ।
