विराटनगर । नेपाली काङ्ग्रेसमा नेता डा. शेखर कोईरालाले प्रधानमन्त्री केपी शर्मा ओलीको अभिव्यक्ति निरंकुशताको सुरूवात भएको बताएका छन् ।
विराटनगरमा आज आयोजित एक कार्यक्रममा बोल्दै उनले यस्तो बताएका हुन् । काङ्ग्रेसको पदाधिकारी बैठकमा प्रधानमन्त्री ओलीले जेठ १५ गते काठमाडौ एमालेको नियन्त्रणमा हुनुपर्छ भनेर दिएको अभिव्यक्तिको बारेमा छलफल हुनुको साटो आफ्नो बारेमा छलफल भएको बताए ।
‘मैले सोचेको थिएँ काङ्ग्रेसको बैठकमा प्रधानमन्त्रीको बोलीबारे छलफल हुन्छ । तर, मेरो बारे छलफल भएर मलाई खुसी लाग्यो,’ उनले भने, पार्टी कहाँ पुगेछ भन्ने थाहा भयो ।’
