काठमाडौं । आजसम्ममा कोरोना संक्रमित भएर निको हुनेको संख्या २३ हजार नाघेको छ । स्वास्थ्य तथा जनसंख्या मन्त्रालयका अनुसार हलसम्म देशभर कुल संक्रमितको संख्या ४१ हजार ६४९ पुगेको छ ।
२४ घण्टायता मात्रै १ हजार ११२ जना निको भएका छन् हालसम्म देशभरमा निको हुनेको संख्या २३ हजार २९० छ ।
यस्तै २४ घण्टायता देशभर ३२० महिला र ८०० पुरुष गरी ११२० जना कोरोना भाइरस संक्रमित थपिएका छन् । आज काठमाडौं उपत्यकामा थप ३८८ जनामा कोरोनाभाइरस संक्रमण पुष्टि भएको छ ।
कोरोनाबाट मृत्यु हुनेको संख्या २५१ पुग्यो
यसैबीच कोरोनाभाइरसबाट मृत्यु हुनेको संख्या २५१ पुगेको छ । पछिल्लो २४ घण्टामा १२ जनाको कोरोना संक्रमणका कारण मृत्यु भएको छ । २४ घण्टायता काठमाडौं र चितवनमामा ३–३ जनाको मृत्यु छ भने ललितपुर, तनहुँ र कपिलवस्तुमा पनि १–१ जना र बारा, भक्तपुर र धादिङका १–१ जनाको मृत्यु भएको छ ।
