विराटनगर । बुधबार मोरङमा थप ८ जनामा कोरोना भाइरसको संक्रमण पुष्टि भएको छ ।
प्रदेश जनस्वास्थ्य प्रयोगशाला विराटनगरमा परीक्षण गर्दा रतुवामाई नगरपालिकाको क्वारेन्टाइनमा बसेकाहरुमा कोरोना पुष्टि भएको हो ।
नगरपालिकाको सौठा क्वारेन्टाइनमा बसिरहेका ३ जना र इटहरा क्वारेन्टाइनमा बसिरहेका ५ जनामा कोरोना पोजेटिभ देखिएको हो । नगरपालिकाले ३५० जनालाई क्वारेन्टाइनमा राखेको छ । क्वारेन्टाइनमा बसेको १० दिनपछि कोरोना जाँच गर्दा ८ संक्रमित भेटिएका हुन् ।
बुधबार ८ जना थपिएसँगै मोरङमा कोरोना संक्रमितको संख्या ३९ पुगेको छ । रतुवामाईमा बुधबारसम्म २२ जनामा संक्रमण देखिएको छ ।
मोरङमा विराटनगरमा ४, रंगेलीमा २, लेटाङमा २ धनपालथानमा ५ सहित सुन्दरहैचा, सुनबर्सी र बुढीगंगा गाउँपालिकामा पनि कोरोना संक्रमित भेटिएका छन् ।
