विराटनगर । कोशी प्रदेशसभाको छैटौं अधिवेशन आजबाट सुरु हुँदैछ । हिउँदे तथा विधेयक अधिवेशनक दिउँसो २ बजेबाट सुरु हुने कोशी प्रदेशसभा सचिवालयले जानकारी दिएको हो ।
आइतबार कार्यव्यवस्था परामर्श समितिको बैठकले कार्यसूचि तय गरिसकेको छ । आजको बैठकमा सभामुख अम्बरबहादुर विष्टले प्रदेश प्रमुखको कार्यालयबाट प्राप्त पत्रहरु वाचन गर्नुहुने छ भने केही प्रदेश ऐनलाई संशोधन गर्न बनेको अध्यादेश २०८१ सभामा पेश गर्नुहुनेछ ।
यस्तै सभामुखबाट जारी भएको बाधा अड्काउ फुकाउने आदेश अनुमोदन गर्न सभामा पेश हुनेछ ।सोमबारको बैठकमा मुख्य न्यायाधिवक्ताको काम, कर्तव्य, अधिकार र सेवाको शर्त सम्बन्धी ऐन २०७५लाई संशोधन गर्न बनेको विधेयक सभामा टेवल गरेपछि प्रदेश सभामा प्रतिनिधितव गर्ने दलका नेताहरुले सम्बोधन गर्ने कार्यसूचि प्रदेश सभा सचिवालयले प्रकाशन गर्नेछ ।
