विराटनगर । मोरङमा सवारी दुर्घटनामा परी दुई महिलाको मृत्यु भएको छ । दुई जना घाइते भएका छन् ।
बुधबार बेलुका करिब साढे ७ बजे पूर्वपश्चिम राजमार्गको सुन्दरहैँचा नगरपालिका– ९ नागदेवी खण्डमा मोटरसाइकल र स्कुलटर दुर्घटना हुँदा एक जना र बेलबारी नगरपालिका– १० मा सिटी सफारी दुर्घटना हुँदा एक जनाको मृत्यु भएको ह
प्रहरीका अनुसार नागदेवी भन्ने स्थानमा प्र१–०२–०४९ प ३७१८ नम्बरको मोटरसाइकल र प्र १–०२–०५१ प ७६३५ नम्बरको स्कुटर दुर्घटना भएको थियो । दुर्घटनामा परी स्कुटर चालक मोरङ सुन्दरहरैचा नगरपलिका– ९ बस्ने ३८ वर्षीया प्रमिला श्रेष्ठको मृत्यु भएको हो । सवारी दुर्घटनामा गम्भीर घाइते उनको विराट नर्सिङहोम विराटनगरमा भर्ना गरिएको थियो । उपचारका क्रममा मृत्यु भएको प्रहरीले जनाएको छ । मोटरसाइकल चालक सुनसरी इटहरी बस्ने ४० वर्षीय नबिन सिंह ठकुरी घाइते भएका छन् । उनको बिराट नर्सिङहोममा उपचार भइरहेको छ ।
प्रहरीका अनुसार बेलबारी नगरपालिका– १० चाँदनी चोक स्थित भित्री सडक खण्डमा बेलबारी नगरपालीका १०४–२०८१–८२ नम्बरको सिटीसफारी आफै अनियन्त्रित भई दुर्घट्ना हुँदा सिटीसरीमा सवार सोही स्थानकी ५० वर्षीया मायादेवी राजवंशीको मृत्यु भएको छ ।
दुर्घटनामा गम्भीर घाइते उनको बिराट मेडिकल कलेजमा उपचारका क्रममा मृत्यु भएको हो । सिटी सफारी चालक सोही स्थानका ५० वर्षीय भुपे दाहाल पनि घाइते छन् । उनको बिराट मेडिकल कलेजमा उपचार भइरहेको छ ।
