विराटनगर । उद्योग संगठन मोरङले एशिया प्रशान्त क्षेत्रका २७ भन्दा बढी देशका ८१ वटा स्थानीय औद्योगिक र व्यापारीक च्येम्बरलाई पछि पार्दै क्यासी अवार्ड लोकल चेम्बर, विग क्याटोगरीको उत्कृष्ट चेम्वरको अवार्ड प्राप्त गरेको छ ।
कन्फेडेरेशन अफ एशिया प्यासिफिक चेम्वर अफ कमर्श एण्ड ईण्डष्ट्रिज र सिङापुर म्यानुफ्याक्चरिङ एशोसिएशनको संयुक्त आयोजनामा सिंगापुरमा भएको ईकोनोमिक फोरम तथा ३८ औं क्यासी कन्फेरेन्सको समापन समारोहमा संगठनका अध्यक्ष राकेश सुरानालाई अवार्ड प्रदान गरिएको हो ।
क्यासीले चेम्बरहरुले स्थानीय आर्थिक विकासका लागि खेलेको भूमिका, नीति निर्माणका क्षेत्रमा गरेको वहसर पैरवी, स्थानीय औद्योगिक गतिविधिमा पु¥याएको टेवाका साथै समग्र आर्थिक एवं औद्योगिक विकासमा पु¥याएको योगदानका आधारमा सो अवार्ड प्रदान गरेको हो । अवार्डसँगै २ हजार डलर पनि प्राप्त गर्न सफल भएको संगठनले जनाएको छ ।
अवार्डका लागि क्यासीको सदस्य रहेका २७ मुलुकका ८१ वटा व्यावसायिक संगठनहरुले प्रतिष्पर्धामा सहभागिता जनाएका थिए । जसमा गतिविधि, दस्तावेज, औद्योगिक उत्थानका लागि गरेको कार्यक्रमका आधारमा उद्योग संगठन मोरङ उत्कृष्ट हुन सफल भएको हो ।
संगठनले अन्तराष्ट्रिय अवार्ड जित्न सफल भएकोमा खुशी व्यक्त गर्दै संगठनका अध्यक्ष राकेश सुरानाले यसलाई कार्यसमिति, सदस्य उद्योग प्रतिष्ठान, नेपाल उद्योग वाणिज्य महासंघका साथै संगठनका शुभेच्छुकको सामूहिक प्रयासको प्रतिफलका रुपमा रहेको बताए । प्रदेश सरकारको आयोजनामा आगामी माघ ११ देखि १३ गतेसम्म विराटनगरमा हुने कोशी प्रदेश लगानी सम्मेलन तथा विराट एक्स्पो २०२५ मा सहभागिताका लागि क्यासी कन्फेरेन्समा उपस्थित विभिन्न देशका व्यवसायीहरुलाई आमन्त्रण गरेको पनि उनले जानकारी दिएका छन् ।
अध्यक्ष सुरानाको नेतृत्वमा संगठनको प्रतिनिधिमण्डल कार्तिक २४ गते सिंगापुर गएको थियो । प्रतिनिधिमण्डल संगठनका निवर्तमान अध्यक्ष सुयश प्याकुरेल, वरिष्ठ उपाध्यक्ष नन्दकिशोर राठी, उपाध्यक्षहरु राजकुमार गोल्छा, भोलेश्वर दुलाल, कार्यसमिति सदस्य सुरेन्द्र गोल्छा, पारस लुनिया, जयेन्द्र शर्मा, सिद्धार्थ काबरा, सिर्जन प्याकुरेल, बिरेन्द्र राठी, सन्तोष कुमार भगत र महानिर्देशक चुडामणी भट्टराई सहभागी छन ।
