काठमाडौं । नेपाली कांग्रेसका नेता डा. शेखर कोइराला समूहको बैठक बसिरहेको छ।महामन्त्री गगन थापा पनि बैठकमा उपस्थित छन्।
बैठकमा केहीबेर सहभागी भएर बाहिरिएका उपसभापति धनराज गुरुङले बैठकमा शुक्रबार बस्न लागेको केन्द्रीय कार्यसम्पादन समितिको बैठकका एजेन्डाबारे छलफल हुने बताएका छन्।
उक्त बैठकका लागि यो भेलाले आफ्नो समूहको एजेन्डाबारे छलफल गर्ने उनले बताए।
यही पुस १६ देखि हुने भनिएको महासमितिको बैठक पनि सार्न नहुने धारणा शेखर गगन समुहले बनाउने जनाइएको छ ।
माघ ११ मा हुन लागेको राष्ट्रियसभा निर्वाचनमा आफ्नो पक्ष कसरी अघि बढ्ने भन्ने रणनीति पनि बैठकले तय गर्ने गुरुङले बताएका छन्।
