काठमाडौं । विवाहमा अपरिचित व्यक्तिको कुटपिटबाट घाइते भएका २६ वर्षीय मोहन अधिकारीको मृत्यु भएको छ ।
कैलालीको लम्कीचुहा नगरपालिका–९ घोराघाट गाउँमा भएको कुटपिटबाट घाइते भएका अधिकारीको ज मृत्यु भएको जिल्ला प्रहरी कार्यालयका प्रवक्ता कुलदीप चन्दले बताए ।
घोराघाट बस्ने डिल्ली कोइरालाको विवाहमा सहभागी भएका घोडाघोडी नगरपालिका–२ का अधिकारी गएराति अपरिचित व्यक्तिको कुटपिटबाट गम्भीर घाइते भएका थिए ।
यसअघि घटनालगत्तै बेहोस अवस्थामा भेटिएका अधिकारीलाई उपचारका लागि लम्की चुहाको लालरत्न अस्पताल र त्यसपछि कोहलपुरको मेडिकल कलेज पुर्याइएको थियो ।
कुटपिटको घटनामा संलग्न भएको आशङ्कामा प्रहरीले लम्कीचुहाका विवेक भुल, विशाल भुल, सन्तोष परियार, गणेश भुल, पिन्टु चौधरी, दिलबहादुर चौधरी र पुरन सार्कीसहित सात जनालाई नियन्त्रणमा लिएको छ ।
थप अनुसन्धान भइरहेको प्रहरीले जनाएको छ ।