काठमाडौं । नेकपा एमालेका नेता डा. भीम रावलले अध्यक्ष ओलीमाथि कडा कटाक्ष गरेका छन् । विवादास्पद छवीका हरिनारायण प्रसाद रौनियार ‘पप्पु’लाई अध्यक्ष ओलीले पाटीमा भित्राएपछि रावल कटाक्ष गरेका हुन ।
नेकपा एमाले दलाल, विचौलिया, तस्कर, भ्रष्ट तथा अपराधिहरुको आश्रयस्थल हुँदै गएको उनले आरोप लगाएका छन ।
‘डा. रावलले सामाजिक सञ्जाल एक्समा लेखेका छन्,‘दलाल,विचौलिया,तस्कर,भ्रष्ट,सुदखोर,अपराधी, चरित्रहीन,विदेशीका चम्चा, अयोग्य र गैर जिम्मेवारहरूलाई पार्टी र सरकारमा भित्र्याएर, संरक्षण गरेर समाजवाद,लोकतन्त्र,राष्ट्रियता, सुशासन र संघीयताका कुरा गर्नु गधा पालेर हात्ती,गैंडा र सिंह पालेको धाक दिनु जस्तै हो।यो कुनीतिबाट देश जोगाअौं !’
केहीदिन अघि मात्रै रौनियारलाई ओलीले एमालेमा भित्राएको थिए ।
