काठमाडौं । दसैँ, तिहार, छठ, नेपाल सम्वतलगायत चाडको अवसरमा नेकपा एमालेले बुधबार चियापान गर्दै छ ।
सो चियापान कार्यक्रममा एमालेले नेकपा एकीकृत समाजवादीका नेताहरुलाई पनि निमन्त्रणा दिइएको छ । चियापानमा एकीकृत समाजवादीका अध्यक्ष माधवकुमार नेपाल, पूर्वप्रधानमन्त्री तथा वरिष्ठ नेता झलनाथ खनाल, महासचिव घनश्याम भूसाललगायत नेतालाई निमन्त्रणा पठाइएको हो ।
२०७८ भदौ २ गते एमालेबाट अलग भएर गठन भएको एकीकृत समाजवादीलाई एमालेले अलग दलको रुपमा स्वीकारेको थिएन। सोही कारण यसअघिका वर्षमा एमालेले गर्ने चियापानमा एकीकृत समाजवादीका नेताहरुलाई निमन्त्रणा पठाएको थिएन ।
