बेलबारी । बेलवारी साना सहरी खानेपानी तथा सरसफाइ उपभोक्ता समितिको अध्यक्षमा किशोर कार्की निर्वाचित भएका छन् । आइतबार बिहान समापन्न भएको मत गणना अनुसार कार्कीले ८ सय ३३ मत ल्याएर विजयी भएका हुन । उनका निकटतम प्रतिद्वन्द्वी दुर्गाप्रसाद गौतमले ७ सय २० मत मात्र ल्याएका छन् । शनिवार मतदान भएको थियो ।
उपाध्यक्षमा प्रगति मोक्तान ७ सय २१ मत ल्याएर विजयी बन्दा मदन राईले ६ सय ५० मत मात्र प्राप्त गरिन । सचिवमा मनकुमार गुरुङ ६ सय ९ मतका साथ विजयी भएका छन् । सपना काफलेले ४ सय ७४ र भोला नेपालले ३ सय २७ मत प्राप्त गरेका छन् ।
कोषाध्यक्षमा रिक्त बहादुर गुरुङ ७ सय ८३ मतका ल्याएर विजयी भएका छन् बिन्दुकला गुरुङले ६ सय २७ मत मात्र प्राप्त गरिन । खुल्ला सदस्यहरूमा चन्द्र जङ्ग बस्नेत,पुष्कल सुवेदी ९राजेश शाह,जानुका विश्वकर्मा,विष्णु दाहाल विजयी भए । लेखा संयोजकमा दीपेन्द्र लामिछाने ६ सय ५२ मतका साथ विजयी भए ।
खानेपानीको उपभोक्ता समितिमा भएको निर्वाचनमा एमाले, माओवादी जसपा एक ठाउँमा थिए भने काँग्रेस एकलै चुनावी मैदानमा थियो । निर्वाचित मध्ये सचिवमा निर्वाचित भएका गुरुङ माओवादीका हुन भने अन्य सबै निर्वाचित भएका पदाधिकारी तथा सदस्य काँग्रेसकै हुन ।
