काठमाडौँ । जिल्ला प्रहरी परिसर, काठमाडौँका एसएसपी दानबहादुर कार्कीले, आफ्नो सरुवालाई सामान्य रूपमा लिएको टिप्पणी गरेका छन् ।
परिसरबाट सरुवा भए पछि आफ्नो कार्यकालमा भएका प्रगतिबारे जानकारी दिन बिहीबार आयोजित पत्रकार सम्मेलनमा उनले आफ्नो कार्यकालमा आफूले गरेका कामबाट आफू सन्तुष्ट रहेको बताउँदै सरुवालाई सामान्य रूपमा लिएको बताए ।
उनले भने ‘ आवश्यकता अनुसार सरुवा हुन्छ । सरुवा काम गर्नका लागि हो । आफ्नो तोकिएको काम गर्ने हो ।मलाई तोकिएको काम मैले यहाँ गरे । अब आउनेले पनि गर्नु हुन्छ । कानुनले तोके बमोजिमको काम गर्ने हो । अर्को ठाउँ गए पनि मेरो काम निरन्तर हुन्छ । सामान्य छ यो कुरा । हाम्रो सङ्गठनले दिएको भूमिका निर्वाह गर्ने हो । त्यसमा म खुसी छु ।’
