काठमाडौं । गुल्मीको मुसिकोट नगरपालिका वडा नम्बर १ का वडाध्यक्ष मोहन घिमिरे मृत भेटिएका छन् ।
शनिबार बिहान घरनजिकैको रूखमा झुन्डिएको अवस्थामा वडाध्यक्ष घिमिरे मृत भेटिएको जिल्ला प्रहरी कार्यालय गुल्मीले जानकारी दिएको छ ।
मृत भेटिनुभन्दा केहीबेर अघि घिमिरेले सामाजिक सञ्जाल फेसबुकमा स्टाटस लेखेका थिए । ‘परिस्थितिको चपेटामा परेपछि बाच्नुको अर्थ हुँदो रहेनछ। प्रीय अनिता ! साथ निभाउन सकिन । मलाई माफ गर । घर परिवार, साथिभाई शुभचिन्तक सबैसँग माफी चाहन्छु। अल बिदा,’ उनले फेसबुकमा लेखेका छन् ।
शुक्रवार अपराह्न घरबाट निस्केका घिमिरे रातभर घर नफर्केको उनको पारिवारिक स्रोतले जनाएको छ। घिमिरे नेपाली कांग्रेस मुसिकोट नगरपालिका नगर कमिटीका अध्यक्ष समेत हुन् ।
https://www.facebook.com/mohan.ghimire2/posts/24507315585526040?ref=embed_post
