काठमाडौँ । नक्कली भुटानी शरणार्थी प्रकरणमा जिल्ला सरकारी वकिल कार्यालय काठमाडौँले जिल्ला अदालत काठमाडौँमा मुद्दा दर्ता गरेको छ ।
बुधवार सरकारी वकिल कार्यालयले एमाले नेता तथा प्रतिनिधिसभा सदस्य टोपबहादुर रायमाझी, काँग्रेस नेता तथा पुर्वगृहमन्त्री बालकृष्ण खाँण, पूर्व सभासद् आङटावा शेर्पालगायत ३० जनाविरुद्ध मुद्दा दर्ता गराएको हो ।
उनीहरू विरुद्ध ठगी, सरकारी कागजात किर्ते, राष्ट्र हित विरुद्धको कसुर र सङ्गठित अपराध मुद्दामा कारबाही गर्न माग गरिएको सरकारी वकिल कार्यालयले जनाएको छ ।
नक्कली शरणार्थी बनाएर ठगी गरेको प्रकरणमा प्रहरीले प्रतिवेदनका साथमा पक्राउ परेका १६ जनालाई पेस गरेको थियो। यस प्रकरणमा प्रहरीले १४ जनालाई फरार प्रतिवादी बनाइएको छ।
