धनकुटा । धनकुटाको शहीदभूमि गाउँपालिकाका शहीद परिवारले ४० वर्षपछि राहत पाउने भएका छन् ।
प्रदेश सरकारले धनकुटाको शहीदभूमि गाँउपालिकाको खोकु–छिन्ताङ्ग र आँखिसल्लामा २०३६ सालमा हत्या गरिएका १६ व्यक्तिका परिवारलाई प्रजातन्त्र दिवसको अवसर पारेर फागुन ७ गते प्रतिपरिवार ५ लाख रुपैयाँका दरले राहत उपलब्ध गराउने भएको हो ।
पञ्चायती शासनको विरोध गर्दा तत्कालिन सरकारले खोकु, छिन्ताङ र आँखिसल्लामा १६ जना स्थानीयको हत्या गरेको थियो । हत्या भएको करिब ४ दशकपछि सरकारले २०७४ पुसमा उनीहरुलाई शहीद घोषणा गरेको थियो । तर, सहिद परिवारले कुनै राहत पाउन सकेका थिएनन् ।
