मुलपानी क्रिकेट मैदानमा बिहीबार पोखरासँगको अभ्यास खेलमा विराटनगर पराजित भएको हो ।टस जितेर पहिले ब्याटिङ गरेको पोखरा एभेन्जर्सले निर्धारित २० ओभरमा ८ विकेट गुमाएर १६० रन बनाएको थियो । उसका लागि मार्की खेलाडी कुशल भुर्तेलले सर्वाधिक ३५ बलमा ५५ रनको विष्फोटक इनिङ खेल्दा अन्य खेलाडीको प्रदर्शन भने औसत रह्यो । खेलमा दिनेश खरेलले १६ रन बनाउँदा विदेशी खेलाडी बास डि लिड्सले १९ रन बनाए भने माइकल लिस्कले २१ रन र किरण तामाङले १० रन बनाएका थिए।
विराटनगर । नेपाल प्रिमियर लिग (एनपीएल) को तयारीमा रहेको विराटनगर किंग्स पोखरा एभेन्जर्ससँग ३६ रनले पराजित भएको छ ।
विराटनगरका लागि सन्दीप लामिछाने र सुवाष भण्डारीले २–२ विकेट लिँदा जितेन्द्र मुखिया, प्रतिश जिसी र राजेश पुलामीले समान १–१ विकेट लिए ।
विदेशी खेलाडीबिना मैदानमा ब्याटिङका लागि उत्रिएको विराटनगर गतिलो ब्याटिङ गर्न असफल भयो । विराटनगर निर्धारति २० ओभरमा ८ विकेट गुमाएर १२४ रनमा समेटिएको थियो । उसका लागि फिर्दोस अन्सारीको २१ रनमा अविजित रहँदा दिपक बोहराले १९ रन तथा बसिर अहमदले १८ रन बनाए ।
फिर्दोसलाई सुवाष भण्डारीले १२ रनमा साथ दिएका थिए । पोखराका लागि सागर ढकाल र तीर्थ राज दासले २–२ विकेट लिएका थिए । शनिबार हुने एनपीएलको उद्घाटन खेलमा विराटनगरले जनकपुर बोल्ट्सको सामना गर्दैछ ।
