विराटनगर । हिन्दु स्वयंसेवक संघको विराटनगर महानगरको गुरुदक्षिणा समर्पण भएको छ । विराटनगरको मडवाडि सेवा सदनमा विहान ९ बजेदेखि संघका महानगर संचालक डा. बालकृष्ण साहको अध्यक्षतामा दक्षिणा समर्पण कार्यक्रम सम्पन्न भएको हो ।
कार्यक्रममा प्रमुख अतिथि पूर्वमन्त्री जयराम यादव थिए । कार्यक्रममा पूर्व मन्त्री यादवले बंगलादेशमा अल्पसंख्यक हिन्दूमाथि भएका अत्याचारको चर्चा र निन्दा गरे । कार्यक्रममा संघका प्रमुख वक्ता, राष्ट्रिय प्रचार प्रमुख डा. दीपक अधिकारीले संघको आवश्यकतासँगै धर्म, हिन्दुत्व र समर्पण बारे विश्लेषण गरेका थिए ।
कार्यक्रममा अतिथिहरुले आ–आफ्ना विचार राखेका थिए । सो अवसरमा विशेष अतिथि संघका कोशी संचालक सियाराम रौनियार, संघका मोरङ जिल्ला संचालक केशव लाल सुवाललगायत करिब २०० बुद्धिजीवीहरुको उपस्थिति रहेको थियो ।
