इलाम । इलाम क्षेत्र नम्बर २ को जारी मतगणनामा नेकपा एमालेका सुहाङ नेम्वाङले १६ हजार ९ सय ४४ मतको अग्रता बनाएका छन् ।
४२ वटा वडामा २६ को गणना भइसक्दा सुहाङले ५ हजार ६७१ को फराकिलो मतान्तर बनाएका हुन ।
नेपाली कांग्रेस उम्मेदवार डम्बरबहादुर खड्काले ११ हजार २ सय ७३ मत ल्याएर पछ्याइरहेका छन् ।
फाकफोकथुम , चुलाचुली, माङ्सेबुङ गाउँपालिका तथा माईका तीन र देउमाई नगरपालिकाका ५ वटा वडाको गणना भइसक्दा नेम्वाङले मतान्तर फराकिलो बनाएका छन् ।
पहिचान पक्षधर स्वतन्त्र उम्मेदवार डकेन्द्रसिंह थेगिमले ९ हजार ४४ मत प्राप्त गरेका छन् ।
राष्ट्रिय स्वतन्त्र पार्टी (रास्वपा)का मिलन लिम्बूले अहिले २ हजार ८०३ मत प्राप्त गरेका छन् ।
६९ हजार २८७ मत खसेका थियो ।
अहिलेसम्म ४१ हजार ३८३ मत गणना भइसकेको छ । ५६४ मत भने बदर रहेको छ ।
