विराटनगर । राष्ट्रिय सभाको उपाध्यक्षमा नेकपा एमालेकी विमला घिमिरे निर्वाचित भएकि छिन् ।
बुधवार भएको उपाध्यक्षको निर्वाचनमा नेपाली कांग्रेसकी विष्णुदेवी पुडासैनीलाई पराजित गर्दै विजयी बनेकी हुन् । उर्मिला अर्यालले राजीनामा दिएपछि उक्त पद खालि थियो ।
आजको बैठकमा राष्ट्रिय सभा अध्यक्ष नारायणप्रसाद दाहालले घिमिरे राष्ट्रिय सभा उपाध्यक्षमा विजयी बनेको घोषणा गरेका हुन् ।
उनको पक्षमा ३९ र विपक्षमा १६ मत परेको थियो ।
आजको राष्ट्रिय सभा बैठकमा ५५ सांसद उपस्थित थिए ।
