काठमाडौं । नेकपा माओवादी केन्द्रले र्याप गीत ‘भोट फर प्रचण्ड’ रिलिज गरेको छ । युवापुस्तालाई लक्षित गरेर माओवादी केन्द्रले र्याप गीत ल्याएको हो ।
जगत तिरुवाको संगीत र स्वर रहेको गीतलाई केशव बडुले एरेन्ज गरेका छन् । हँसिया हथौडामा भोट दिएर प्रचण्डलाई किन जिताउनुपर्छ भन्ने आधारहरु गीतमा प्रस्तुत गरिएको छ ।
‘नयाँ शैली, नयाँ प्रस्तुति नेकपा माओवादी केन्द्रको र्याप गीत’ भन्दै गीत सार्वजनिक गरिएको हो । यसअघि चुनाव र राजनीतिक आन्दोलनमा जनवादी गीत मात्रै रिलिज गर्ने गर्दै आएका थिए ।
सम्भवतः भोट माग्दै कुनै राजनीतिक दलले यस अघि यसरी र्याप गीत ल्याएका थिएन्न ।
हिपहप संगीतको एउटा हाँगा मानिने र्याप गायन पछिल्लो समय नेपाली तन्नेरीमाझ पनि लोकप्रिय छ ।
