भारतमा कोरोना भाइरसको संक्रमण आक्रामक रुपमा विस्तार हुन थालेको छ । संक्रमणबाट भारतमा शुक्रबार एकैदिन १६ जनाको मृत्यु भएको छ ।
महामारी सुरु भएपछि पहिलो पकट भारतमा यति धेरै व्यक्तिको एकैदिन ज्यान गएको हो । योसँगै संक्रमणबाट भारतमा ज्यान गुमाउनेको संख्या ८५ पुगेको छभ भने संक्रमितको संख्या ३ हजार ८२ छ ।
शुक्रबार भारतमा ५०२ जना नयाँ संक्रमित भेटिएका छन्। शुक्रबार भेटिएका संक्रमितमध्ये २८० जना नयाँदिल्लीस्थित बंगलेवाले मस्जिदको धार्मिक सभामा सहभागी भएका वा उनीहरूको सम्पर्कमा आएका मानिसहरू रहेको बताइएको छ ।
शुक्रबार मृत्यु हुनेमध्ये ३ जना महाराष्ट्र राज्यका हुन् भने आन्द्र प्रदेश, मध्य प्रदेश, हरियाणा, कर्नाटका तथा गुजरातबाट एक÷एक जना रहेका छन्। यस्तै दिल्ली र तेलाङ्गनामा २÷२ जनाको मृत्यु भएको छ।
भारतको स्वास्थ्य मन्त्रालयले बितेका दुई दिनमा देशमा भेटिएका ६४७ संक्रमित नयाँदिल्लीस्थित बंगलेवाले मस्जिदको धार्मिक सभासँग प्रत्यक्ष रअप्रत्यक्ष जोडिएका मानिसहरू भएको जनाएको छ। एजेन्सीको सहयोगमा
